नकळत उमले हसू ओठावर
मनी तिचा तो अल्लड वावर
आठवणींची भरली ओंजळ
अंतरातूनी पसरे दरवळ
रंग केतकी, जिवणी नाजूक
गालांवरचे गुलाब मोहक
महिरप कुरळ्या केसांची
अन्भाळावरची बट ती कामुक
भाव मनीचे नेत्र सांगती
शब्दाविण ते बोलून जाती
तार दिलाची छेडून जाती
संमोहन ते पसरुन जाती
सौंदर्यखणी ती, मदनमंजिरी
वेड लाविते नजर लाजरी
उत्कट खुलते प्रीत बावरी
माझी प्रिया ही गोड गोजिरी
Khupch god kavita ahe..
ReplyDeleteKhupch god kavita ahe..
ReplyDelete